‘Labrando o futuro’ é o título da nova exposición colectiva que presenta o alumnado do Ciclo Formativo de Carpintería e Moble do Centro Público de Educación de Adultos de Bonxe, e do Curso de Cerámica do Centro Penal de Bonxe.
Trátase dun proxecto moi especial, pois ten o principal obxectivo de contribuír á formación das persoas que se atopan en situación de reclusión, facilitándolles a ampliación de coñecementos que lles permitan acceder a novas oportunidades.
Nesta mostra, artesanía e deseño, habilidade e gusto, aúnanse tomando distintas referencias técnicas e estilísticas históricas e vangardistas, nas que, ademais, atopamos inspiracións do máis orixinais.
Do 1 ao 12 de febreiro nas celas centrais da planta baixa do panóptico.
